Ուսանողներն Արցախի դրոշը ծածանեցին մայր բուհի պատուհանից՝ ողջունելով «Մայր Հայաստան» դաշինքի անդամներին
Այսօր «Մայր Հայաստան» դաշինքի քարոզարշավի ժամանակ ԵՊՀ-ի մասնաշենքի պատուհանից ուսանողները ծածանեցին Արցախի դրոշը՝ այդպես ողջունելով դաշնքի անդամներին:
Դաշինքի առաջնորդ Անդրանիկ Թևանյանը նախ ողջունեց այդ ուսանողին, ապա ասաց. «Արցախը մեր աջակցության կարիքն ունի, և այսպիսի դրոշներ մենք պետք է տեսնենք մեր քաղաքի բոլոր շենքերում, բոլոր օբյեկտներում և ամենուրեք: Հայաստանն ու Արցախը մեկ միասնական համակարգ են և դա քանդողը պետական դավաճան է: Մենք պետք է միասնական վերջ դնենք Նիկոլ Փաշինյանի ստի ու կեղծիքի իշխանությանը, եւ ապահովենք անվտանգություն ու խաղաղություն մեր երկրի համար: Մենք ասում ենք՝ ուսանողությունը պետք է ոտքի կանգնի և տեր կանգնի մեր հայրենիքին»:
