Մեր երեխաներին տարել մորթել են, հիմա էլ եկել քննարկում են կազմակերպում. Զոհվածի մայր
Սա քննարկում էր, որ իբր լսեն և հասկանան մեր կարծիքը, բայց այս մարդիկ թքած ունեն մեզ վրա, մեկ տարի ՊՆ-ում ոչինչ չեն արել, որ իմ երեխային գտնեն, նա համարվում էր անհետ կորած:
Այս մասին ԱԺ-ում փակ քննարկումից հետո լրագրողների հետ զրույցում ասաց զոհված զինծառայող Հայկ Մելիքյանի մայրը՝ Նաիրա Մելիքյանը:
«Խոսում են երաշխիքների մասին, բայց հիմնական երաշխիքն այն է, որ մեր երեխաներին չտանեն զոհեն: Կամ զոհվածների ծնողները պե՞տք է գան և ներկայացնեն, թե ինչ խնդիրների ենք բախվում ամեն օր պետական կառույցներ դիմելիս, իրենք ի՞նչ է չգիտեն»,-ասաց նա:
