«Փաստ». «Նոստալջիկ» քողով համակեցության քարոզ

«Փաստ». «Նոստալջիկ» քողով համակեցության քարոզ

«Փաստ» օրաթերթը գրում է. «Տևական ժամանակ է, ինչ երկրում ստեղծված ընդհանուր իրավիճակի ֆոնին իշխանությանը սպասարկող որոշ շրջանակներ յուրատեսակ քարոզչական գործընթաց են իրականացնում՝ այն մատուցելով «սիրուն» փաթեթավորմամբ։ Մասնավորաբար, առաջին հայացքից «անշառ» կոնտենտով ադրբեջանցիների հետ համակեցության քարոզ են իրականացնում։

 

«Փաստ» թերթի տեղեկություններով, տվյալ շրջանակների առջև խնդիր է դրված համակեցության թեման նորից դարձնել օրակարգային, ավելին՝ հնարավորինս ակտիվացնել մարդկանց ենթագիտակցության վրա ազդելու գործիքակազմը, սակայն ոչ թե ագրեսիվ մեթոդներով, այլ զգացմունքների, հիշողությունների վրա ազդելու միջոցով։

 

Ըստ այդմ, նախատեսվում են տարբեր տեսաֆիլմեր, փոքրիկ պատմություններ, որոնք տասնամյակների խորքից կներկայացնեն «հարևանների» հետ կապերը. նպատակն է իբր «նոստալջիկ» ֆոն ապահովել և աստիճանաբար զարգացնել համակեցության հնարավորության գաղափարները: Ի դեպ, ըստ նախնական ուսումնասիրությունների, գործընթացը, կարծես, սկսվել է»:

 

Նյութն ամբողջությամբ կարդացեք թերթի այսօրվա համարում։