Վլադիմիր Պուտինն ու Արայիկ Հարությունյանը «Դվինում» կուլիսային հանդիպո՞ւմ են ունեցել

Վլադիմիր Պուտինն ու Արայիկ Հարությունյանը «Դվինում» կուլիսային հանդիպո՞ւմ են ունեցել

MediaHub.am-ի տեղեկություններով՝ ՀԱՊԿ հավաքական անվտանգության խորհրդի երևանյան նիստից հետո ՌԴ նախագահ Վլադիմիր Պուտինն ու Արցախի նախագահ Արայիկ Հարությունյանը կուլիսային հանդիպում են ունեցել:

 

Մեր աղբյուրի հաղորդմամբ, քննարկվել է Արցախի անվտանգության հարցն ու ՌԴ-ի՝ այդ գործում դերակատարումը։ 
Արդյո՞ք մեր ստացած լուրերը համապատասխանում են իրականությանը․ Արցախի նախագահի մամուլի քարտուղար Լուսինե Ավանեսյանը կտրականապես հերքեց մեր աղբյուրի փոխանցած տեղեկատվությունը։

 

«Ընդամենը լուրեր են։ Անհիմն»,- ասաց Ավանեսյանը։

Հիշեցնենք, որ ավելի վաղ մամուլը գրեց, որ հոկտեմբերի 24 լույս 25-ին Հարությունյանը մեկնել էր Մոսկվա՝ հանդիպելու ՌԴ նախագահին։ Սակայն այդ լուրերը ևս պաշտոնապես չհաստատվեցին։