ՀՀ Հպարտ քաղաքացու համար 3-րդ օրն է որևէ նախագիծ չի քննարկվել. Հովհաննես Սահակյան
Hraparak.am-ը գրում է.
«ԱԺ Պետաիրավական հանձնաժողովի նախկին նախագահ, Աշխատանքի և սոցիալական հարցերի նախարարության սոցիալական ապահովության պետական ծառայության նախկին պետ Հովհաննես Սահակյանը, երրորդ օրը հետևելով ԱԺ քառօրյային արձանագրում է՝ «մի հատ ժողովրդի, հասարակ քաղաքացու համար օրենքի նախագիծ չկա։ Բացի կառավության կառուցվածքի մասին օրենքից, որը ենթադրում է մի շար կրճատումներ»։ Հովհաննես Սահակյանն ամփոփոփեց՝ երրորդ օրն է, ուրիշ բան չենք տեսնում։
Հովհաննես Սահակյանը կրկնեց իր նախկինում արված այն հայտարարությունը, որ այս ԱԺ-ն որպես օրենսդիր մարմին խիստ պասիվ է։«Այն ժամանակ նշել էի, որ 1-ին, 2-րդ քառօրյաներ են, նոր ձևավորված Ազգային ժողով է և բնականոն հունի մեջ կմտնի։ Բայց որքան բնականոն հունի մեջ է մտնում, այնքան աշխատանքը խորհրադարանում ավելի շատ տեղափոխվում է անձնական վիրավորանքների, հաշիվներ մաքրելու ու մեկը մյուսի առաջնորդին չվիրավորելու հորդորներ հնչեցնելու դաշտ։ 3-րդ օրն է՝ օրենսդրական որևէ նախագիծ չի քննարկվել ու ընդունվել, որ հասարակ ժողովուրդը, ՀՀ հպարտ քաղաքացին զգա, որ իր համար որևէ օրենք ընդունվեց»,-հավելեց Հովհաննես Սահակյանը։
Նա աբսուրդ է համարում այն, որ գյուղատնտեսությունը տնտեսության ամենակարևոր ճյուղերից մեկը համարվող երկրում, որն ունի ա մինչև 10 միլիոն սփյուը, ըստ կառավարության ներկայացրած փաթեթի՝ չի ունենալու Սփյուռքի ու Գյուղատնտեսության նախարարություններ։
«Թե ինչկերպ ենք զարգացնելու այդ ոլորտները, անկեղծ ասած, իմ համար մի քիչ անհասկանալի է և տարօրինակ։ Ես իրավաբան եմ, ես սիրում եմ, որ օրենքում գրված լինի և օրենքով շարժվենք։ Եթե օրվա իշխանությունները հայտարարում են,ո ր օրենքի երկիր է, իրավական պետություն և օրենքի տառն է գերակա, հետևաբար, այն, ինչ գրված չէ,համարենք ընդամենը քաղաքական հայտարարություն»։
Կառավարության գործունեության և կառուցվածքի մասին փաթեթի քննարկումներին հետևելով՝ Հովհաննես Սահակյանը նաև արձանագրում է, որ սուպերվարչապետությունը որպես այդպիսին չի վերանում։ Բայց չէ, որ այդ սուպերվարչապետոթյունը, որը հայտնի է նաև որպես Սերժ Սարգսյանի կոստյում և որի կոճակներն էրր երեկ ցույց տալիս ԼՀԿ խմբակցության ղեկավար Էդմոն Մարուքյանը, ընդունվել , անցկացվել, քարոզվել է հենց Հովհաննես Սահակյանի ներկայացրած քաղաքական ուժի ՀՀԿ-ի կողմից։
Հովհաննես Սահակյանն, ի պատասխան, արձանագրում է․
«Դուք շատ ճիշտ եք։ Բայց եթե մի քիչ ջանք թափեք, հետ գնաք, ԱԺ աշխատանքների սղագրությունները վերհանեք, կտեսնեք, թե ինչպես էր այդ սահմանադրական փոփոխությունների նախագիծը ժամանակին ինչպես էր քննադատում այն ժամանակվա ընդդիմությունն ու այսօրվա իշխանությունը։ Որ սուպերվարչապետությունը խորհրդարանական կառավարման պարագայում կործանելու է երկիրը, որ խորհրդարանը պետք է ունենա ավելի մեծ լիազորություններ ու վերահսողական լիազորություններ։ Բայց մենք տեսնում ենք, որ այսօր շարունակվում է այդ Սահմանադրությունն ու կառավարությունը, այդ կառավարության կառուցվածքն ու այդ գործելաոճը։ Այսինքն՝ մնաց սուպերվարչապետությունը։»