Ստյոպան կմնա թափառաշրջիկ քաղաքագետ-վերլուծաբան-դեպուտատ, իսկ Սարգիսը եղել է և կլինի շատերի կողմից սիրված դերասան. Կարինե Մամիկոնյան
Իրականում Ստյոպայի խոսքերին պետք չի լուրջ վերաբերվել: Ստյոպայի այսօրվա, վաղվա տերերն են, որ շատ լավ գիտեն վերջինիս գինը: Այս մասին իր ֆեյսբության էջում գրել է օգտատեր Կարինե Մամիկոնյանը՝ անդրադառնալով «Ստյոպա Սաֆարյան» մասնագիտության առանձնահատկություններին:
Կ.Մամիկոնյանի գրառումն ամբողջությամբ ներկայացնում են ստորեւ.
«Ստյոպա Սաֆարյան» մասնագիտության առանձնահատկությունների մասին
Հայաստանյան քաղաքական դաշտի ամենայուրահատուկ երևույթներից մեկի անունն է Ստրոպա Սաֆարյան: Մի փոքր ներկայացնեմ, թե ով է այս կերպարը և ինչ ճանապարհ է անցել: Իր քաղաքական գործունեությունը սկսել է դեռևս 90-ականներին, և 1996թ. նորանկախ Հայաստանի ամենաֆունդամենտալ կեղծված ընտրությունների ժամանակ այս պատանին եղել է Լևոն Տեր-Պետրոսյանի նախընտրական շտաբի անդամ և Վանո Սիրադեղյանի ու մնացած հակապետական երևույթների հետ միասին սպանում էր հայկական ժողովրդավարությունը: Դրանից հետո Ստյոպան դարձավ «Ժառանգություն» կուսակցության անդամ և իր իսկ բնորոշմամբ ղարաբաղյան կլանի մասնիկ ՀՀԿ-ի համար ստուկաչություն էր անում և խոսք էր տանում Մելիք Ադամյան փողոց: Եռյակի համագործակցության փուլում սա համ ՀՀԿ-ի համար էր աշխատում, համ էլ շատ խիստ տեղեկությունների համաձայն փորձում էր լեզու գտնել ԲՀԿ-ի հետ, բայց նա այնքան վարկաբեկված էր, որ անգամ մինիմալ գներով իրեն չօգտագործեցին: Դրանից հետո իր ապրած կյանքի համար նույն ՀՀԿ-ն սրան սարքեց Անդրանիկ Մարգարյանի անվան քաղաքական դպրոցի դասախոս:
Բայց քանի որ իրավիճակ է փոխվել Ստյոպան հիմա էլ իր նախկին տերերին է ուզում քցած լինել և հարմար տեղավորվել Նիկոլ Փաշինյանի շողքի տակ: Եւ հենց դրա համար էլ Ստյոպիկը ողջունում է Նիկոլի ամեն փռշտոցը և ՀՀԿ-ի և Լֆիկի ԲՏՌ-կանանց ոճով հարձակվում է բոլոր այն մարդկանց վրա, ովքեր հանդգնում են չընդունել այն տեսակետը, որ Նիկոլը Հիսուսից հետո երկրորդ մարդն է:
Այս անգամ այս կերպարը հարձակվել է դերասան Սարգիս Գրիգորյանի վրա ով երեկ մանրամասն ներկայացրել է թե ինչու է հիասթափված հեղափոխությունից: Սարգիսը տրամաբանորեն ներկայացրել է թե ինչ էր սպասում, և ինչ է տեսնում այսօրվա Հայաստանում, իսկ Ստյոպա Սաֆարյանը չկարողացավ սա անտարբեր թողնել և հարձակվեց դերասանի վրա: Անհասկանելի է թե ինչու այս ամենին խառնեց Քոչարյանի անունը:
Իրականում Ստյոպայի խոսքերին պետք չի լուրջ վերաբերվել: Ստյոպայի այսօրվա, վաղվա տերերն են, որ շատ լավ գիտեն վերջինիս գինը: Դրա համար էլ Ստյոպան կմնա թափառաշրջիկ քաղաքագետ-վերլուծաբան-դեպուտատ ով կոնյուկտուրայից ելնելով կփոխի իր պատկանելիության ճամբարը, իսկ Սարգիսը եղել է և կլինի շատերի կողմից սիրված դերասան ում խոսքին շատ-շատերը ականջալուր են լինում»: