Փշալարի վրայից անցնելը Նիկոլի կյանքի ամենամեծ հերոսությունն էր ու գագաթնակետը. Տարոն Տոնոյան (տեսանյութ)
Ես չէի պատկերացնի, որ Ղարաբաղի կորստից հետո Ազատության հրապարակում այսքան քիչ մարդ պետք է լինի. ափսոսում եմ տղերքի թափված արյան համար, որ մարդիկ իրենց տանը նստած սպասում են, քանի դեռ կրակն իրենց տանը չի հասել. Այսպես որ գնա՝ հասնելու է, արթնացեք, ժողովուրդ: Այս մասին, այսօր՝ նոյեմբերի 13-ին, Ազատության հրապարակում Նիկոլ Փաշինյանի հրաժարականի պահանջով հանրահավաքի ժամանակ նշեց բժիշկ, ազատամարտիկ Տարոն Տոնոյանը:
«Մենք պատերազմը տանուլ ենք տվել 1994 թվականի զինադադարը հաստատելու հաջորդ օրվանից, որովհետեւ հաջորդ օրվանից մենք չենք պատրաստվել հաջորդ պատերազմին այն լրջությամբ, որը պետք է կատարեինք: Մենք փողով ընտրություններ ենք արել, ընտրատարածքներից արկղեր ենք գողացել, մենք դասեր պետք է քաղենք: Եկավ ժամանակը, որ ժողովուրդը ոտքի կանգնեց մերժելու այդ հոռի երեւույթները: 70 տոկոս քվե տվեց այս ապաշնորհ իշխանությանը, բայց նրանք սկսեցին վհուկների որսը, ազգը սկսեցին կիսել սեւերի ու սպիտակների, եւ մեր պարտության սեւ ծաղկեպսակը իրենք դրեցին»,-ասաց նա:
Տարոն Սիմոնյանի խոսքով, պարտվել են իշխանությունները, ժողովուրդը չի պարտվել. «Մեր զինվորը չի պարտվել: Ով կասի զինվորը փախել ա, նա էդ զինվորին չի տեսել, նա չի տեսել արյունաքամ զինվորին, ով հասնում էր հոսպիտալ, ասում էր՝ 4 ընկերներս մնացիր, իրենցից լուր չունեմ, ասում էր՝ 4-ից երեքը մինուճար են, բայց կռվել են: Ամոթ նրան, ով կասի՝ մեր զինվորը, մեր գեներալը չի կռվել: Տեսեք, թե մեր գեներալներից քանիցն են «բլիժնի բոյի» ժամանակ հրազենային վերքեր ստացել: Մեր բանակը կռվող բանակ է: Պատերազմի առաջին 7 օրում մենք տվել ենք սարսափելի մեծ կորուստներ, բայց նահանջել ենք ընդամենը մի քանի սանտիմետր:
Սա իշխանության կռիվ չէ, սա պոռթկում է հայրենիքի կորստի: Արթնացեք, հասկացեք, որ սրանով պատերազմը չի վերջանում, 2,5 տարի այս իշխանությունը փողոցային սուտասանի նման խաբել է մեզ, խոստացել է տնտեսական վերելքներ եւ մենք ունեցել ենք ոչինչ արդյունքում: Ինչ էր անում մեր իշխանությունը, երբ որ Թուրքիան զորավարժություններից հետո իր ամբողջ տեխնիկան ու անձնակազմը թողեց Ադրբեջանում: Իրենք փոխանակ ԱԹՍ-ներ, ՀՕՊ ձեռք բերեին, PR էին անում զինվորների ծնողների մոտ, որ տեսեք 4 տեսակ աղցաններ են ուտում մեր զինվորները»:
Բժիշկ-ազատամարտիկը հավելեց, որ Նիկոլ Փաշինյանի գնալը ժամանակի խնդիր է. «Պետք է քաջություն ունենա, թող համարի, որ իր կյանքի ամենամեծ բարձրունքը ոչ թե փշալարն էր, որի վրայով անցավ, ես ակնկալում էի, որ պատերազմի ժամանակ իր ֆեյսբուքի էջը պետք է փոխի ու իր բետադինով դրջած եձռքն ու քայլող բոթասները, ու դնի զինվորի նկար, որը կռվեց հայրենիքի համար: Բայց իր համար փշալարերի վրայից անցնելը կյանքի ամենամեծ հերոսությունն էր ու գագաթնակետը:
Արդյոք գնացքը գնացել է, թե ոչ: Հավատացնում եմ՝ ոչ: Այս պայմանագիրը, որ ստորագրվել; է, ունի բազմաթիվ թերի կետեր, բազմաթիվ հարցեր կան շտկելու եւ այն վարչապետը, որն արժանացել է մեր թշնամական պետության նախագահի ծաղրանքին, ինչպե՞ս կարող է գնալ այդ նվաստացումից հետո գնալու այդ քանից հետո քննարկումներ անել: Անհնարին է: Նա ստորագրել է այն ժամանակ, երբ ռուսական զորքը դեռ Արցախում չէր: Այսօր ռուսական զորքն Արցախում է, հարկավոր է պինդ կանգնենք, մեր պայքարը շարունակենք եւ այդ կետերի մեջ բազմաթիվ կետեր կարող են փոխվել ի օգուտ մեզ, ի օգուտ Արցախի: Մենք չենք ուզում ունենալ
Պրիմիտիվ, սուտասան վարչապետ: Նիկոլ հեռացիր»,-ասաց նա: