«Vivaro»-Ալեն Սիմոնյան «ախպերություն», որի արժեքը 300․000 դոլար է․ ինչո՞ւ ինչպես հարկն է չեն ուսումնասիրվում «Vivaro»-ի կողմից իրականացվող խախտումները
Օրերս լրատվականներից մեկում տեղեկություններ տարածվեցին, որ «Vivaro» բուքմեյքերական ընկերության «ՀաջողԱկ» խաղարկության մասնակիցը հավաքել է անհրաժեշտ բոլոր դետալները մեքենա շահելու համար, սակայն ընկրությունը հրաժարվում է տրամադրել շահումը։ Այս ահազանգից հետո բազմաթիվ մասնակիցներ են բարձրաձայնել միևնույն խնդրի մասին՝ տեղեկացնելով, որ իրենք էլ են հավաքեն անհրաժեշտ բոլոր դետալները, սակայն իրենց հասանելիք շահում-մեքենան չեն ստացել։
Այս ամենով սկանդալը ո՛չ սկսել է և ո՛չ էլ վերջացել, քանի որ նույն լրատվական կայքը բարձրաձայնել էր, որ «Vivaro» ընկերությունը չհեռարձակվող արտասահմանյան խաղերում բարձր գործակիցներով ընդունել է խաղադրույքներ, սակայն նշյալ խաղերը դեռ մեկ-երկու ամիս առաջ արդեն կայացած են եղել։ Այսինքն՝ օգտատերը խաղադրույք է կատարել արդեն ավարտված խաղերի վրա և ի սկզբանե դատապարտված եղել պարտության։ Այս և նմանատիպ շատ բողոքներից հետո, այդպես էլ ՀՀ իրավական կառույցները լուռ են մնացել և որպես հարկն է չեն արձագանքել ապօրինություններին, որոնք ընկերության ներկայացուցիչները «տեխնիկական խոտան» են համարում։
Լուրեր են շրջանառվում, որ բուքմեյքերական այս ընկերությունը սերտ կապեր ունի ՀՀ իշխանական թևի ներկայացուցիչների հետ, և հենց այս հանգամանքով էլ պայմանավորված՝ կասկածելի և մութ զրույցերի արդյունքում, ընկերությունը կարողանում է զերծ մնալ «գլխացավանքներից» և օրենքի հետ առնչվող խնդիրներից։
Alternativ.am-ի հավաստի աղբյուրը լույս սփռեց այս ամենի վրա, և նրա տեղեկություններից պարզ դարձավ՝ ինչն է եղել պատճառը, որ պոտենցիալ հանցագործության տարրեր պարունակող այս և այլ դեպքերը, ինչպես հարկն է չեն գրավում պատկան մարմինների ուշադրությունը։
Ըստ մեր հավաստի աղբյուրի՝ «Vivaro-ի տերերի» հետ սերտ հարաբերություններ ունեցող ՀՀ ԱԺ փոխխոսնակ Ալեն Սիմոնյանը վերջիններիցս ստացել է 300,000 ԱՄՆ դոլարի չափով «նվեր-լավություն», որի դիմաց խոստացել է օգտագործել իշխանական կապերը նմանատիպ սկանդալներից և դեպքերից՝ ընկերությանը անմասն պահելու և օրենքի դաշտում չհայտնվելու համար։ Մեր աղբյուրի փոխանցած այս տեղեկությունն իրականում չափազանց արժանահավատ է թվում՝ վերոգրյալ դեպքերի ոչ պատշաճ արձագանքման պարագայում և հստակեցնում է հանգամանքը, թե ինչու իրավական մարմինները պատշաճ կերպով չեն զբաղվում նման խախտումներով և, որ նմանատիպ լուրերն ու ահազանգերը մնում են այդպես էլ չարձագանքված։
Ոչ ոք չի կարող խանգարել՝ ենթադրելու, թե Ալեն Սիմոնյանի թանկարժեք բնակարանն ու վերջին սերնդի մեքենան ինչ ծագումնաբանություն ունեն իրականում, և որտեղից երբեմնի խմբագրին այդքան ահռելի կարողություն այս երկու տարվա ընթացքում։ Այս և նմանատիպ այլ դեպքերը վիժեցնում են «հեղափոխական մաքուր արժեքներն» ու Փաշինյանի վարկանիշը հասցնում 0-ական մակարդակի։ Երևի վարչապետ Փաշինյանը, երբ նշում էր՝ «ղալաթ կանի նա, ով կմտածի մենք կաշառք ենք վերցնում», բնավ էլ տեղյակ չի եղել այս ամենի մասին, իսկ որ ամենացավալին է՝ շատ հնարավոր է, որ նաև տեղյակ է եղել, սակայն չի պատկերացրել, որ փոքր Հայաստնում ցանկացած գաղտնի զրույց, ուշ թե շուտ, «ջրի երես է դուրս գալիս»։
Խմբագրական