Դասալիք Փաշինյանի իշխանությունը հերթական անգամ արհամարհեց զինծառայողներին
Ամեն անգամ իշխանություններն ապացուցում են, որ բացի իրենց գրպանից ոչնչի մասին չեն մտածում: Նիկոլի իշխանությունը, որը լծված է երկրում արժեհամակարգի խարխլմանը, պետության հիմնասյուների կազմաքանդմանը, այլ բանի ընդունակ չէ: Սակայն, երբ հերթը հասնում է զինվորին, պետք է առանց մտածելու արվի ամեն բան հօգուտ զինվորի և ի աջակցություն այն զինվորների և նրանց ընտանիքների, որոնք հայրենիքի առաջ պարտքը կատարելիս զոհվել են կամ վիրավորվել: Սակայն այս հարցը, ցավոք սրտի, դուրս է իշխանության օրակարգից: Փաստացի, այս իշխանության պարագայում սա տրամաբանական է, քանի որ իշխանական քարոզչամեքենան ի սկզբանե փորձում էր հողին հավասարեցնել հերոսի ինստիտուտը՝ շատ հայտնի դատական գործերի և կեղծ մեղադրանքների միջոցով:
Այս անգամ Փաշինյանի անգրագետ իշխանությունը մերժել է մի նախագիծ, որով ՝ միանվագ 5 միլիոնական դրամ և ամսեկան 125 հազար դրամ փոխհատուցում կստանային մարտական գործողությունների ժամանակ 3-րդ խմբի հաշմանդամություն ստացած զինծառայողները: Փաստորեն, բյուջեում կա գումար միայն այն պարագայում, եթե դա շահեկան է իշխանություններին: Հիշենք մարտի 1-ի զոհվածների ընտանիքներին տված 30 միլիոն դրամները, որով իշխանությունը կոնկրետ խնդիր է լուծում՝ անտեսելով ինչպես կառավարության դիմաց բողոքող սևազգեստ մայրերի պահանջը, այնպես էլ նմանօրինակ նախագիծը: Այս շահեկան գործարքներից զատ Նիկոլ Փաշինյանը անխնա վատնում է բյուջեն ամանորյա 700 հազար դոլարանոց միջոցառման վրա, սեփական հաճույքների վրա, ձրիակեր պատգամավորներին տարվա մեջ 14 անգամ պարգևատրումներ տալու վրա, անգործունակ նախարարների աշխատավարձերը գաղտնի բարձրացնելու վրա, ի վերջո տրանսի մասին ֆիլմ նկարելու վրա: Բայց այն մարդիկ, որոնք հայրենիք են պաշտպանել, երբ իշխանության ներկայացուցիչները, տարբեր պատճառներ հնարելով, համալրում էին դասալիքների շարքերը, արժանանում են արհամարհանքի պետության կողմից: