Ո՞վ է Փաշինյանին հարց տված ադրբեջանցի «բլոգերը»․ Armdaily.am
Ինչպես արդեն հայտնել ենք, վարչապետ Նիկոլ Փաշինյանը Իտալիա կատարած այցի ժամանակ Միլանի Հայ Առաքելական Սուրբ Քառասուն Մանկունք եկեղեցում հայ համայնքի ներկայացուցիչների հետ հանդիպում ունեցավ։ Հանդիպման ժամանակ ադրբեջանցի բլոգերի մասնակցությամբ միջադեպ տեղի ունեցավ։ Բլոգերը հայտարարեց` քանի որ Նիկոլ Փաշինյանը ժողովրդավար է, նրանից խնդրում է դադարեցնել պատերազմը, նա նաև որպես օրինակ նշեց, որ Սերժ Սարգսյանն ու Ռոբերտ Քոչարյանը ոչինչ չեն արել այդ ուղղությամբ, իսկ Փաշինյանը շարունակում է այդ պրակտիկան,-տեղեկացնում է ArmDaily.am-ը․
Այս միջադեպից հետո սոցիալական ցանցերում բուռն քննարկումներ սկսվեցին: Շատերը մեղադրում էին վարչապետի անվտանգությանը, նշելով, որ սա մեծ բացթողում է և նույն ադրբեջանցի բլոգերը կարող էր ինչ-որ ձևով վնասել վարչապետին կամ պատվիրակության մնացած անդամներին: Այնուհետև համացանցում տարածվեցին ադրբեջանցի բլոգերի մասին տեղեկություններ:
Վերջինս, ըստ տարածված տեսանյութերի և լուսանկարների ԱԱԾ աշխատակից է կամ համագործակցում է կառույցի հետ: Աբդուլաևը հակակառավարական ակցիաների ժամանակ ոստիկանությանն օգնում է ակցիայի մասնակիցներին ձերբակալելու հարցում: Այս տեղեկությունները տարածվելուց հետո արդեն սկսվեց քննարկվել այն տեսակետը, թե Աբդուլաևը հենց պետական ինքնաթիռով է եկել Միլան՝ իշխանությունների հովանավորչությամբ: Աբդուլաևն ունի նաև դատվածություն 7 տարի ժամկետով, սակայն այն պայմանական ձևաչափով է կիրառվել: Բայց իր հանցակից մնացած ընկերների նկատմամբ կիրառվել է ողջ խստությամբ:
Իսկ, ահա Ադրբեջանում, Բլոգեր Աթա Աբդուլաևը արդեն մի քանի տարի հոգեբանական ճնշման է ենթարկվում Ալի Քերիմլիի կողմնակիցների կողմից, ով ադրբեջանցի ընդդիմադիր գործիչ է: Հարձակումների և վիրավորանքների հերթական պայթյունը տեղի է ունեցել Աբդուլաևի վրա, այն բանից հետո, երբ նա համացանցում հրապարակել է իր կարճ երկխոսությունը ՀԱՖ առաջնորդի հետ Բաքվի կենտրոնում տեղի ունեցած սգո միջոցառման ժամանակ, որը տեղի է ունեցել Խոջալուի ողբերգության տարելիցի օրը:
Բլոգեր Քերիմլիին հարցրել է, թե ինչ միջոցներով է իր որդին շքեղ կենսակերպ վարում մառախլապատ Ալբիոնում. «Քանի դեռ նախագահ Իլհամ Ալիևի որդին ծառայում է բանակում, ձեր որդին ալկոհոլ է խմում Լոնդոնի բարերում», - ասել է նա:
Քերիմլին, իր շքախմբին հրահանգել է աչքից հեռացնել բլոգերին և նրան անվանել սադրիչ: Սակայն Ալի Քերիմլիի զայրույթը չի անցել , եւ երրորդ ամիսն է ինչ Աբդուլաևի դեմ իրական բարոյական տեռոր է ծավալվում համացանցում: «Ինձ ամեն կերպ վիրավորում են ՝ սպառնալով տարբեր դժբախտություններով։ Իսկ ես ընդամենը որպես շարքային քաղաքացի հետաքրքրվեցի, թե որտեղից հայտնի ընդդիմադիր գործիչ Քերիմլիի ժառանգորդին շքեղ կյանքի համար փող: Դրա համար նրա կողմնակիցները փորձում են ինձ ներկայացնել հատուկ ծառայությունների գործակալ, սադրիչ և այլն»,-նշում է նա: