Կկրճատվեն ուսուցիչներ, կտնտեսվի գումար․ Փաշինյանի կառավարությունը հերթական դպրոցն է փակում
Նիկոլ Փաշինյանի կառավարությունը հերթական դպրոցն է փակում։ Որոշումը կայացվեց կառավարության այսօրվա՝ սեպտեմբերի 5-ի նիստում։
Համաձայն հիմնավորման, Արարատի մարզի Արարատ քաղաքի N3 հիմնական դպրոցի աշակերտների թիվը 192 է, իսկ աշխատակիցների թիվը՝ 46: Նույն քաղաքում գտնվող Ժորես Մկրտչյանի անվան N1 հիմնական դպրոցն ունի 392 աշակերտ (ներառյալ նախակրթարանի սաները՝ 20 սան) և 53 աշխատակից (ներառյալ նախակրթարանի աշխատակիցները):
Ուստի որոշվեց այդ երկու դպրոցները վերակազմակերպել Ժորես Մկրտչյանի անվան N1 հիմնական դպրոցի։
Նշվում է, որ արյունքում տարեկան մոտ 45,6 մլն դրամ կտնտեսվի (դասարանների կոմպլեկտավորման և հաստիքների կրճատման հաշվին)՝ չհաշված կոմունալ ծախսերը:
