Սկսել ենք իրավական գործընթացներ թե՛ ոստիկանների, թե՛ նեռի հանդեպ. Բագրատ սրբազան
Սրբազան պայքարի առաջնորդ Բագրատ Արքեպիսկոպոս Գալստանյանը Շենգավիթ վարչական շրջանում՝ Մովսես Գորգիսյանի անվան զբոսայգում հանդիպել է քաղաքացիներին:
«Մեծ պատիվ է այսօր կանգնել Մովսես Գորգիսյանի հուշակոթողի առջև և միևնույն ժամանակ դժբախտություն է խոսել այն Հայաստանում, որի երազն ինքն ուներ, ասելով․ «Կեցցե այն Հայաստանը, որը վաղն է գալու», այսինքն անկախ Հայաստանը և հանկարծ անկախ Հայաստանում խոսել, գործել, պայքարել քո իրավունքները պահելու, այդ անկախությունը պահելու, պատիվը պահելու, նույնիսկ Հայաստանը փրկելու համար»,- նշել է սրբազանը։
Շարժման առաջնորդը խոսել է նաև իրականացվող գործողություններից՝ նշելով. «Բոլոր ճակատներով սկսել ենք իրավական գործընթացներ թե՛ ոստիկանների, թե՛ բարբաջանքներ արձակող մարդկանց, թե՛ նեռի հանդեպ»։
Շենգավիթում Բագրատ սրբազանին դիմավորել են աղ ու հացով, դհոլ-զուռնայով:
