Ինչպիսի՞ շուրթերն են իրականում առավել գրավիչ համարվում
Չնայած սոցցանցերը եւ հայտնի մարդիկ ավելի լիքը, «փարթամ» շուրթերի պահանջարկ են ստեղծում, բնական եւ ներդաշնակ շուրթերն ընկալվում են որպես ամենագրավիչը, ասվում է Plastic and Reconstructive Surgery ամսագրում հրապարակված հետազոտության մեջ:
Ըստ Մայոյի կլինիկայի պրոֆեսոր, բժշկության դոկտոր Սեբաստիան Կոտոֆանի նոր հետազոտության՝ հատկապես սոցցանցերի օգտատերերն ավելի շատ ժամանակ են հատկացնում՝ նայելով շուրթերին, որոնք որպես պակաս գրավիչ են գնահատվում, ինչը վկայում է այն մասին, որ ավելի գրավիչ շուրթերըավելի մեծ ուշադրություն չեն նշանակում:
Իրենց աշխատանքի ընթացքում հետազոտողները շուրթերի տարբեր համամասնություններ ներկայացնող թվային պատկերների հավաքածու են ստեղծել: Բժշկական կամ էսթետիկ կրթություն չունեցող դիտորդների խումբը, ինչպես նաեւ՝ մի քանի պլաստիկ վիրաբույժներ եւ մաշկաբաններ, գնահատել են նկարների գրավչությունը։
Շուրթերի ծավալը գնահատելիս ամենագրավիչ է ճանաչվել շուրթերի բնական ծավալը ցուցադրող պատկերը:
Այդպես, հետազոտության արդյունքները վիճարկում են այն ենթադրությունը, որ դիտողներն ավելի շատ ժամանակ կծախսեն՝ նայելով պատկերի գրավիչ մասերին:
«Դա կարող է լինել դիտողների ճանաչողական մշակման արտացոլումը. պակաս գրավիչ քոնթենթն ավելի արագ է գրավում դիտողի ուշադրությունը, բայց ավելի երկար ժամանակ է պահանջում մշակման համար»,- նշում են գիտնականները:
