Ինչպե՞ս է լույսն ազդում տրամադրության վրա

Լույսի քանակն ու որակը կարող է զգալիորեն ազդել տրամադրության վրա:

Նոր ուսումնասիրության մեջ Բրաունի համալսարանի գիտնականները օգտագործել են ֆունկցիոնալ մագնիսական ռեզոնանսային պատկերացում՝ պարզելու, թե ինչպես են լույսի ինտենսիվության ազդանշանները հասնում ուղեղ եւ ինչպես են տրամադրության ձեւավորման մեջ ներգրավված ուղեղի կառուցվածքները մշակում այդ ազդանշանները: Հետազոտությունը ցույց է տվել, որ ուղեղային  կեղեւի որոշ հատվածներ, որոնք ներգրավված են ճանաչողական մշակման եւ տրամադրության մեջ, զգայուն են լույսի ինտենսիվության նկատմամբ: 

Հետազոտողները օգտագործել են ֆունկցիոնալ մագնիսական ռեզոնանսային պատկերացում՝ 20 առողջ մեծահասակների մոտ ամբողջ ուղեղի ակտիվացման օրինաչափությունները ուսումնասիրելու համար:

Որպես փորձի մի մաս  մասնակիցները դիտել են լույսի ինտենսիվության չորս տարբեր մակարդակներ ակնոցների միջոցով։ 

Նրանք պարզել են, որ լույսը ճնշում է նախաճակատային կեղեւի ակտիվությունը։ 

Այս ուսումնասիրության ընթացքում գիտնականները ցույց են տվել, որ մարդու ուղեղի նախաճակատային հատվածներն ունեն լուսազգայուն ազդանշաններ։