Խոշոր ավտովթար Արարատի մարզում. Mercedes-ը դուրս է եկել երթևեկելի գոտուց և կողաշրջված վիճակում հայտնվել ժողովրդին հայտնի «Սև առվում». կան վիրավորներ. Shamshyan.com
Այսօր՝ դեկտեմբերի 9-ին, խոշոր ավտովթար է տեղի ունեցել Արարատի մարզում։ Ժամը 20։45-ի սահմաններում Mercedes մակնիշի 51 DC 051 համարանիշի ավտոմեքենայի վարորդը Երևան-Երասխ ավտոճանապարհի 38 կմ հատվածում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել երկաթե արգելապատնեշներին, կոտրել դրանք և կողաշրջված վիճակում հայտնվել ժողովրդին հայտնի «Սև առվում»։
Ինչպես դեպքի վայրից հայտնում է Shamshyan.com-ը, վթարի հետևանքով վարորդն ու 2 անչափահաս տղաներ քաղաքացիների օգնությամբ դուրս են բերվել ավտոմեքենայից և օպերատիվորեն դեպքի վայր ժամանած Արտաշատի հիվանդանոցի բժիշկների կողմից նախ տեղում առաջին բուժօգնությունն են ստացել, ապա տեղափոխվել «Արտաշատ» բժշկական կենտրոն։
Ոստիկանությունը պարզում է վարորդի և վիրավորների ինքնությունը։